کۆمەڵگەی پەروەردەیی بارزانیی نەمر
بەڕێوەبەری گشتی پەروەردەی هەولێر مامۆستا “لوقمان سعید صدیق” پێشوازی لە کونسوڵی فەڕەنسا لە عێڕاق دەکات
ڕۆژی پێنجشەممە ٦-٢-٢٠٢٥، مامۆستا ''لقمان سعید صدیق'' بەڕێوەبەری گشتی پەروەردەی هەولێر و مامۆستا “حەمدیە عبداللە داود” بەرێوەبەری پەیوەندییەکان و ڕاگەیاندن لە وەزارەتی پەروەردە و مامۆستا “دڵشاد جعفر محمود” بەڕێوەبەری کۆمەڵگە و بەڕێوەبەرانی هەر سێ بەشی کۆمەڵگە ، لە کۆمەڵگەی پەروەردەیی (بارزانیی نەمر) پێشوازیانکرد لە بەڕێز"یان برایم" کونسوڵی گشتی فەڕەنسا لە عێڕاق و بەڕێز “ژاوکا دێل ژێزوو” پرەنسیپڵی قوتابخانەی (دانیال میتران) و شاندێکی یاوەری، لە سەردانێکی مەیدانی کۆمەڵگەی پەروەردەیی (بارزانیی نەمر) یان بەسەر کردەوە، لە میانەی سەردانەکەی بەڕێزیان و لە دیدارێکدا، باس لە هەماهەنگی و گرنگی و ڕۆڵی زمانی کوردی و هاوکات زمانی فەرەنسی لە کۆمەڵگەی پەروەردەیی (بارزانیی نەمر) تاوتوێ کرا، شایەنی باسە، کونسوڵی وڵاتی فەڕەنسا لە عێڕاق و هەرێمی کوردستان، خۆشحاڵی خۆی دەربڕی بەو سەردانەی و لەنزیکەوە ڕۆڵ و گرنگی پەرەپێدانی خوێندن لە هەرێمی کوردستان و بەتایبەتی کۆمەڵگەی پەروەردەیی (بارزانیی نەمر) بەرز نرخاند و گوتی، ئاواتمانە پەرە بە هەردوو کەلتوری زمانی کوردی و فەرەنسی لە کۆمەڵگەی پەروەردەیی (بارزانیی نەمر) و قوتابخانەکان و ناساندنی هەردوو کەلتوور بە گرنگ دەڕوانین و هیوای سەرکەوتنی بۆ ستافی کۆمەڵگەی پەرورەدەیی (بارزانیی نەمر) خواست و دەستخۆشی لێکردن، لای خۆیەوە بەڕێوەبەری گشتی پەروەردەی هەولێر، وێڕای بەخێرهاتنیان، هیوای سەرکەوتنی بۆخواستن.
